புதுடெல்லியில் இருந்து வரும் முக்கிய செய்தி. அமெரிக்காவைச் சேர்ந்த தி திமோத்தி இனிஷியேட்டிவ் என்ற அமைப்பு மீது மத்திய புலனாய்வு அமைப்பு வெளிநாட்டு நிதி ஒழுங்குமுறை சட்ட மீறல் வழக்கு பதிவு செய்துள்ளது. அமலாக்கத்துறை கொடுத்த தகவலின் அடிப்படையில் இந்த வழக்கு பதிவாகியுள்ளது.
கடந்த ஆண்டு நவம்பர் மாதம் முதல் இந்த ஆண்டு ஏப்ரல் மாதம் வரையிலான ஆறு மாத காலத்தில் மட்டும் சுமார் தொண்ணூற்று இரண்டு கோடி ஐம்பத்து ஐந்து லட்சம் ரூபாய் வெளிநாட்டு நிதி இந்தியாவில் பயன்படுத்தப்பட்டதாக குற்றம் சாட்டப்பட்டுள்ளது. இந்தியாவில் வெளிநாட்டு நன்கொடை பெற வெளிநாட்டு நிதி ஒழுங்குமுறை சட்ட பதிவு கட்டாயம். அந்த பதிவு இல்லாமல் பணம் பயன்படுத்தப்பட்டதாக விசாரணை அமைப்புகள் தெரிவிக்கின்றன.
அமெரிக்காவின் ட்ரூயிஸ்ட் வங்கி வழங்கிய வெளிநாட்டு பற்று அட்டைகள் மூலம் இந்தியா முழுவதும் உள்ள பணம் எடுக்கும் இயந்திரங்களில் இருந்து பணம் எடுக்கப்பட்டதாக கூறப்படுகிறது.
கடந்த சில ஆண்டுகளில் ஆயிரத்திற்கும் மேற்பட்ட அட்டைகள் இப்படி பயன்படுத்தப்பட்டதாக அமலாக்கத்துறை தெரிவித்துள்ளது. ஒரு இயந்திரத்தில் இரண்டு மூன்று நாட்களுக்கு ஒருமுறை எழுபதாயிரம் முதல் எண்பதாயிரம் ரூபாய் வரை எடுக்கப்பட்டு, பின்னர் அந்த பணம் இந்திய வங்கி கணக்குகளில் செலுத்தப்பட்டுள்ளது.
இதில் இரண்டாயிரத்து இருபத்தி நான்கு ஜனவரி முதல் இரண்டாயிரத்து இருபத்தி ஆறு மார்ச் வரை மட்டும் நாற்பத்து நான்கு கோடி ரூபாய் கர்நாடகா, சத்தீஸ்கர், அசாம், சண்டிகர் போன்ற மாநிலங்களில் எடுக்கப்பட்டதாகவும் கூறப்படுகிறது.
இந்த வழக்கில் ஏழு பேர் மீது முதல் தகவல் அறிக்கை பதிவு செய்யப்பட்டுள்ளது. தி திமோத்தி இனிஷியேட்டிவ் அமைப்பு ஜொனாதன் ராஜன் - இந்திய செயல்பாட்டு ஒட்டுமொத்த பொறுப்பாளர் அஜித் வர்கீஸ் மத்தாய் - நிதி பொறுப்பாளர் மைக்கா மார்க் சுப்ரீம் ஜாய் பப்லு குர்மி வர்கீஸ் சாக்கோ
இரண்டாயிரத்து இருபத்தி ஆறு ஏப்ரல் பதினெட்டாம் தேதி பெங்களூரு கெம்பகவுடா விமான நிலையத்தில் மைக்கா மார்க் என்பவரிடம் இருந்து இருபத்து நான்கு வெளிநாட்டு பற்று அட்டைகள் பறிமுதல் செய்யப்பட்டன. அனைத்து அட்டைகளிலும் ஒரே பெயர் அச்சிடப்பட்டிருந்தது. இது அடையாளத்தை மறைக்க செய்யப்பட்ட முயற்சி என்று முதல் தகவல் அறிக்கையில் குறிப்பிடப்பட்டுள்ளது.
