இன்று செப்டம்பர் இருபத்தேழாம் தேதி ஒலிபரப்பான மன் கி பாத் நிகழ்ச்சியில் பிரதமர் நாட்டு மக்களிடம் பேசியதாவது,
சர்ஜிக்கல் ஸ்டிரைக்கிற்கு பத்து ஆண்டுகள்: இரண்டாயிரத்து பதினாறாம் ஆண்டு செப்டம்பர் இருபத்தெட்டு, இருபத்தொன்பது தேதிகளில் நடந்த சர்ஜிக்கல் ஸ்டிரைக்கிற்கு பத்து ஆண்டுகள் நிறைவடைகிறது. நீண்ட காலமாக பயங்கரவாதத்தால் பாரதம் பாதிக்கப்பட்டுள்ளது. இரண்டாயிரத்து எட்டு டெல்லி தொடர் குண்டுவெடிப்பு, மும்பை தாக்குதலை நினைவு கூர்ந்த பிரதமர், இன்றைய பாரதம் பயங்கரவாதத்திற்கு எதிராக சகிப்புத்தன்மை இல்லா கொள்கையுடன் செயல்படுவதாகவும், பாலகோட் தாக்குதல் முதல் ஆபரேஷன் சிந்தூர் வரை தக்க பதிலடி கொடுக்கப்பட்டு வருவதாகவும் கூறினார். அமெரிக்க இரட்டை கோபுர தாக்குதலில் உயிரிழந்தவர்களில் அமெரிக்காவுக்கு அடுத்து அதிகம் இந்தியர்கள் என்றும், அவர்களுக்கு இரங்கல் தெரிவிப்பதாகவும் கூறினார். அந்த தாக்குதலுக்கு இருபத்தைந்து ஆண்டுகள் ஆகிறது.
மக்கள் தொகை கணக்கெடுப்பு: நாடு முழுவதும் முதல் கட்ட பணியில் முப்பத்திரண்டு கோடிக்கும் மேற்பட்ட குடும்பங்கள் பதிவு செய்யப்பட்டுள்ளன. லடாக், இமாச்சலம், ஜம்மு காஷ்மீர், உத்தராகண்ட் பனிப்பகுதிகளிலும் பணி நடக்கிறது. உத்தராகண்ட் மானா கிராமத்தில் எண்பத்து மூன்று வயது பூர்ணிமா ராவத் அவர்களிடம் தொடங்கியது. பகோரி கிராமத்தை சேர்ந்த ஹர்தேவ் சிங் ராணா தனது தகவலை தானே இணையம் மூலம் பதிவு செய்தார்.
மக்கள் தங்கள் கைபேசியில் அரசின் மக்கள் தொகை கணக்கெடுப்பு இணையதளத்தில் பதினாறு மொழிகளில் பதினைந்து முதல் இருபது நிமிடத்தில் எந்த ஆவணமும் இல்லாமல் சுய பதிவு செய்யலாம். இதுவரை இரண்டு கோடியே அறுபது லட்சம் பேர் பதிவு செய்துள்ளனர். பதிவுக்கு பிறகு கிடைக்கும் அடையாள எண்ணை கணக்கெடுப்பு ஊழியரிடம் காட்டினால் போதும்.
அசோக் சிங்கால் நூற்றாண்டு: இன்று விஸ்வ இந்து பரிஷத் முன்னாள் தலைவர் அசோக் சிங்கால் அவர்களின் நூற்றாண்டு பிறந்த நாள். ஆயிரத்து தொள்ளாயிரத்து இருபத்தாறாம் ஆண்டு இதே நாளில் ஆக்ராவில் பிறந்தார். மிக வசதியான குடும்பத்தில் பிறந்து பெரிய தொழில்நுட்ப கல்லூரியில் பட்டம் பெற்றும் சமூகத்திற்காக துறவி போல் வாழ்ந்தவர். ராமர் கோவில் இயக்கத்திற்கு அவர் அளித்த பங்களிப்பே இன்று அயோத்தியில் பிரம்மாண்ட கோவிலாக நிற்கிறது என்று பிரதமர் புகழாரம் சூட்டினார்.
சோம்நாத் பெருமை - மொதேரா ஆயிரம் ஆண்டு: ஆயிரத்து இருபத்தாறாம் ஆண்டு முகமது கஜினி சோம்நாத் கோவிலை இடித்து ஆயிரம் ஆண்டுகள் ஆகிறது. அதே ஆண்டில் குஜராத் மொதேரா சூரியன் கோவிலும் தாக்கப்பட்டது. ஆயிரத்து இருபத்தைந்தில் மன்னர் பீம்தேவ் கட்டிய கோவிலை அவரே மீண்டும் கட்டினார். இன்று மொதேரா நாட்டின் முதல் சூரிய கிராமமாக முழுவதும் சூரிய மின்சாரத்தில் இயங்குகிறது. அங்கு மகர சங்கராந்திக்கு பிறகு நடன விழா நடக்கிறது.
தமிழகத்திற்கு பெருமை: திருச்சிராப்பள்ளி மணப்பாறையில் தமிழ் ஆய்வுத்துறை பேராசிரியர் ஏ.செல்வராஜ் தனது மாணவர் கொடுத்த தகவலின் பேரில் கள ஆய்வு செய்து பல பழங்கால சிலைகள், கோவில்களை கண்டுபிடித்துள்ளார். இது போன்ற முயற்சி நாடு முழுவதும் தேவை என பிரதமர் பாராட்டினார்.
தூய்மை, சுற்றுச்சூழல், போதை ஒழிப்பு: அக்டோபர் இரண்டாம் தேதி காந்தி பிறந்த நாளை முன்னிட்டு தூய்மை பணிகளை பாராட்டினார். மத்திய பிரதேசத்தில் ஆறு தூய்மை, ஆந்திராவில் பழைய கிணறு தூய்மை, மும்பையில் கடற்கரை தூய்மை, டெல்லியில் குப்பை தரம் பிரித்தல், மேற்கு வங்கத்தில் சுற்றுலா தல தூய்மை ஆகியவற்றை குறிப்பிட்டார்.
அசாம் சொனாய் ரூபாய் சரணாலயத்தில் ஆக்கிரமிப்பு அகற்றப்பட்டு மூன்று ஆண்டுகளில் யானைகள் மீண்டும் வந்தது, ஆறு குள்ள பன்றிகளில் இருந்து தொடங்கி இன்று நூற்று தொண்ணூறாக உயர்ந்த எண்ணிக்கை, சுந்தரவனத்தில் புலி தாக்குதலில் கணவரை இழந்த பெண்கள் உருவாக்கும் சதுப்புநில காடுகள் ஆகியவற்றை எடுத்துக்காட்டினார்.
நூறு வாரங்கள் நடக்கும் போதை இல்லா இளைஞர் இயக்கத்தில் லட்சக்கணக்கான இளைஞர்கள், மை பாரத் தன்னார்வலர்கள், தேசிய சேவை திட்ட மாணவர்கள், பள்ளி கல்லூரிகள் இணைந்துள்ளதாக கூறினார்.
விளையாட்டு, விவசாயம், ஊட்டச்சத்து, ஆன்மீகம்: பஞ்சாப் ரவுண்ட் கிளாஸ் ஹாக்கி கழகத்தை சேர்ந்த ராஜீந்தர் சிங் சீனியர் ஆயிரத்து தொள்ளாயிரத்து எண்பதில் ஒலிம்பிக் தங்கம் வென்றவர், இரண்டாயிரத்து ஒன்றில் ஜூனியர் உலகக்கோப்பை, இரண்டாயிரத்து மூன்றில் ஆசிய கோப்பை பயிற்சியாளர், கிராமங்களில் செயற்கை புல்வெளி அமைக்கும் முயற்சியை பாராட்டினார்.
உத்தரப்பிரதேசம் பிரதாப்கரில் ஒரு மாவட்டம் ஒரு பொருள் திட்டத்தில் நெல்லிக்காய் மூலம் நூறு நிறுவனங்கள், சுய உதவிக்குழு பெண்கள் மிட்டாய், ஊறுகாய், பொடி தயாரித்து வருமானம் பெறுவதை குறிப்பிட்டு உள்ளூர் பொருளுக்கு குரல் கொடுங்கள் என வலியுறுத்தினார்.
செப்டம்பர் ஊட்டச்சத்து மாதத்தில் சத்தீஸ்கர் வீடுதோறும் முருங்கை, குஜராத் சிறுதானிய உணவு போட்டியில் இரண்டு லட்சம் பேர் பங்கேற்பு, மிசோரம் தன்னலமற்ற சேவை பாரம்பரியத்தில் தோட்ட பராமரிப்பு, ஒன்பது கோடி பேர் ஊட்டச்சத்து செயலியில் பதிவு ஆகியவற்றை பாராட்டினார்.
தாய்லாந்தை சேர்ந்த பந்தோன் திர் கானூன் பத்தொன்பது வயதில் தந்தை கொடுத்த விநாயகர் படத்தால் ஈர்க்கப்பட்டு நாற்பது ஆண்டுகளாக ஆய்வு செய்து, இரண்டாயிரத்து இரண்டில் சியாங் மாயில் பத்தாயிரம் சிலைகளுடன் அருங்காட்சியகம் அமைத்து அஷ்டவிநாயக யாத்திரையை பிரபலப்படுத்திய கதையை பகிர்ந்தார்.
