தமிழகத்தை திரும்பி பார்க்க வைத்த இரண்டு இடைத்தேர்தல் முடிவுகள் நேற்று வெளியானது. தேர்தல் ஆணையத்தின் results.eci.gov.in இணையத்தில் வெளியான அதிகாரப்பூர்வ முடிவுகள் படி, இரண்டு தொகுதிகளிலும் நடிகர் விஜய்யின் தமிழக வெற்றிக் கழகம் அபார வெற்றி பெற்றுள்ளது. ஆனால் திமுக, அதிமுகவின் தோல்விக்குள்ளும் ஒரு அரசியல் கணக்கு இருக்கிறது.

தாராபுரம்:

வெற்றி: SATHYABAMA.P (தவெக) - 66,841 வாக்குகள் 2-ம் இடம்: SUGANYA.S (திமுக) - 57,370 வாக்குகள் - வித்தியாசம் 9,471 3-ம் இடம்: BANUMATHI.K (அதிமுக) - 45,280 வாக்குகள் 4-ம் இடம்: KARTHIKA.M (நாம் தமிழர்) - 5,268 வாக்குகள் மட்டுமே

மதுராந்தகம்:

வெற்றி: K.மரகதம் குமரவேல் (தவெக) - 74,048 வாக்குகள் 2-ம் இடம்: I.பரந்தாமன் (திமுக) - 54,008 வாக்குகள் - வித்தியாசம் 20,040 3-ம் இடம்: S.கனிதாசம்பத் (அதிமுக) - 47,450 வாக்குகள் 4-ம் இடம்: G.ஜனகிராமன் (நாம் தமிழர்) - 2,709 வாக்குகள்

ஆளும் கட்சியான திமுக இரண்டு தொகுதியிலும் 2-ம் இடத்திற்கு தள்ளப்பட்டுள்ளது. தாராபுரத்தில் 57 ஆயிரம், மதுராந்தகத்தில் 54 ஆயிரம் என அதன் கடைசி வரை தக்க வைத்துள்ளது. ஆனால் ஆளும் கட்சிக்கு எதிரான அதிருப்தி ஓட்டு முழுமையாக திமுகவுக்கு எதிராக திரும்பியதால் தோல்வி. இது திமுகவுக்கு ஒரு பெரிய எச்சரிக்கை. தனது வாக்கு வங்கி சரியவில்லை, ஆனால் கூட்டணி பலம் இல்லாமல் தனித்து நின்றதால் வீழ்ந்தது என்பதே உண்மை.

அதிமுக இரண்டு தொகுதியிலும் 3-ம் இடம் தான். ஆனால் இதுவே அதிமுகவுக்கு ஒரு மறைமுக வெற்றி என்கிறார்கள் விமர்சகர்கள். காரணம், தவெக என்ற புதிய அலை அடித்தும், அதிமுக தனது 45 ஆயிரம் ஓட்டுகளை தக்க வைத்துள்ளது. எடப்பாடி பழனிசாமி அணியின் ஓட்டு அப்படியே இருக்கிறது என்பதை இது காட்டுகிறது. தவெகவால் அதிமுக ஓட்டை உடைக்க முடியவில்லை. அதனால் 2026-ல் அதிமுகவை தவிர்க்க முடியாது.

தவெக ஜெயித்தாலும், தாராபுரத்தில் வெறும் 9,471 ஓட்டு வித்தியாசம் தான். திமுக + அதிமுக ஓட்டை கூட்டினால் (57,370 + 45,280 = 1,02,650) தவெகவை விட 35 ஆயிரம் ஓட்டு அதிகம். அதாவது திமுக, அதிமுக தனித்தனியாக நின்றதால் தான் விஜய் ஜெயித்தார். இரண்டு திராவிட கட்சிகளும் கூட்டணி வைத்தால் இந்த வெற்றி சாத்தியமே இல்லை. இதுதான் விஜய்க்கான எச்சரிக்கை மணி.

ஆக, இது தவெகவுக்கு வரலாற்று வெற்றி தான். ஆனால் திமுக, அதிமுக இன்னும் களத்தில் பலமாக இருக்கிறது என்பதையும் இந்த தேர்தல் காட்டுகிறது.

இதை உணர்ந்து விஜய் அடுத்த கட்டம் நகர்ந்தால் தான் 2026-ல் தாக்குப்பிடிக்க முடியும்