தமிழ்நாட்டில் அரசு துறைகளில் மும்மொழி பயன்பாடு குறித்து சமூக வலைதளங்களில் கடந்த இரண்டு நாட்களாக புகைப்படங்களுடன் கூடிய புகார்கள் பகிரப்பட்டு வருகின்றன.
1. என்ன ஆதாரங்கள் கிடைத்துள்ளன?
அ) அறநிலையத்துறை: அருள்மிகு முருகன் திருக்கோவில் ஒன்றில் 'கைபேசி பாதுகாப்பு அறை - MOBILE PHONE LOCKER - मोबाइल फ़ोन लॉकर' என மூன்று மொழிகளில் பலகை வைக்கப்பட்டுள்ள புகைப்படம் (இணைப்பு: படம் 1) வெளியாகியுள்ளது.
ஆ) மருத்துவத்துறை: கரூர் அரசு மருத்துவக் கல்லூரி (கரூர் - 639008) மற்றும் கோவை அரசு மருத்துவக் கல்லூரி மருந்து உறைகளில் 'காலை / MORNING / सुबह', 'மதியம் / NOON / दोपहर', 'மாலை / EVENING / शाम' என தமிழ், ஆங்கிலம், இந்தி மூன்றிலும் அச்சிடப்பட்டுள்ள புகைப்படம் (இணைப்பு: படம் 2) பரவி வருகிறது.
இ) நெடுஞ்சாலைத்துறை: வாடிப்பட்டி, மதுரை, அழகர் கோவில் மற்றும் சுந்தரராஜன்பட்டி செல்லும் தேசிய நெடுஞ்சாலை பச்சை பலகைகளில் தமிழ், இந்தி, ஆங்கிலம் என மூன்று மொழிகளில் ஊர் பெயர்கள் எழுதப்பட்டுள்ள புகைப்படம் (இணைப்பு: படம் 3) வெளியாகியுள்ளது.
2. பின்னணி என்ன?
தமிழ்நாடு அரசு இருமொழிக் கொள்கையை (தமிழ், ஆங்கிலம்) பின்பற்றி வருகிறது. மத்திய அரசின் தேசிய நெடுஞ்சாலை ஆணையம் (NHAI) மற்றும் சில மத்திய திட்டங்களில் மும்மொழி பயன்பாடு இருப்பதால், மாநில அரசு அலுவலகங்களிலும் அது பின்பற்றப்படுகிறதா என்ற கேள்வி எழுந்துள்ளது.
கருத்து / எதிர்வினை (தனிப் பிரிவு - Opinion):
இது தொடர்பாக விருதை சத்தியம் செய்தி குழு விருத்தாசலம் பகுதியில் உள்ள பொதுமக்களிடம் கேட்டபோது, விருத்தாசலம் பழைய பஸ் நிலையம் அருகே உள்ள மருந்தகத்தில் இதுபோன்ற இந்தி அச்சிட்ட உறைகள் இதுவரை வழங்கப்படவில்லை என தெரியவந்தது. இருப்பினும், "தமிழகத்தில் எங்கும் இந்தி திணிப்பு இருக்கக் கூடாது" என்பதே உள்ளூர் மக்களின் எதிர்பார்ப்பாக உள்ளது.
இந்த புகைப்படங்கள் குறித்து தமிழக அறநிலையத்துறை மற்றும் மருத்துவத்துறை தரப்பில் இருந்து இதுவரை அதிகாரப்பூர்வ விளக்கம் வெளியாகவில்லை. விளக்கம் வெளியானதும் பதிவேற்றம் செய்யப்படும்.
தகவல் ஆதாரம:கள ஆய்வு - 06 அக்டோபர் 2026
